Humanity at Music-eko abesbatza txikiaren entseguak eta grabazioa

Musikari dagokionez, erritmoa hartu du Humanity at Music proiektuak. Abesbatza txikiaren entseguak eta grabazioak aste honetan egin dira Basque Culinary Centerreko auditoriumean.

Duela aste batzuk helduen abesbatzako kideak elkartu ziren Arrasaten eta Apotzagan MONDRAGONen soinu-banda osatzen duten zortzi kantuak entseatzeko eta joan den zapatuan txikien txanda izan zen. Fernando Velázquez konposatzailearen zuzendaritzapean entseatu eta grabatu zituzten kantuak txikien abesbatzako kideek.

Basque Culinary Centerren auditoriumean egin zituzten grabazioak, Donostian.

Proiektu irekia

Proiektuan parte hartu nahi duten guziek hatmusic@mondragoncorporation.com helbidera idatzi beharko dute. Dagoeneko, entitate ezberdinetako 20 bat kooperatibistak eman dute izena. Helburua da 300 bat laguneko orfeoi erraldoia osatzea.