Proiektu solidarioa
Garapen kooperatiboaren alde egiten
Berritzailea, musikala, literarioa eta oso bisuala izatez gain, Humanity at Music proiektu solidarioa ere bada. Saltzen den liburu bakoitzeko, euro bat emango zaio Mundukide Fundazioari, Mozanbiken, Kolonbian eta Brasilen martxan dituen kooperazio-proiektuak garatzen jarraitu ahal izateko
Liburua, oparitzeko eta gordetzeko altxorra
Maite Mutuberria proiektuko ilustratzaileak dioen moduan, liburuak altxor baten balioa du. Etxean lasai irakurri eta gordetzeko liburu horietakoa da. Euskal kooperatibagintzaren iragana, oraina eta etorkizuna biltzen ditu, baina, batez ere, lan artistiko eta iradokitzailea da. Kooperatibagintza barrutik bizi (izan) duen edozeinen etxean egon beharrekoa.