Liburua
Oparitzeko eta gordetzeko altxorra
Humanity at Music liburuak MONDRAGONen errelatu berri bat egiten du, Leire Bilbao, Katixa Agirre, Irati Jimenez, Gloria Totorikaguena eta Pili Kalzada idazleen eta Maite Mutuberria ilustratzailearen eskutik.
Idazleez eta ilustratzaileaz gain, maila altuko bertsolariek parte hartu dute liburuan, honako hauek: Andoni Egaña, Onintza Enbeita, Julio Soto, Jone Uria, Amets Arzallus, Oihana Iguaran, Xabier Igoa eta Maialen Arzallus. Eta ezin aipatu gabe utzi Jon Sarasua irakasle, idazle eta bertsolariaren parte hartzea.
Liburua 2018ko Durangoko Azokan aurkeztuko da eta EROSKI eta ELKAR dendetan eskuratu ahal izango da, 25 euroren truke. Maite Mutuberria ilustratzaile nafarraren iritziz, “liburua altxor bat da”.
Libura oso bisuala izango da, ilustrazio zoragarriz betea eta hiru hizkuntza uztartuko ditu: euskara, gaztelania eta ingelesa
Liburua, oparitzeko eta gordetzeko altxorra
Maite Mutuberria proiektuko ilustratzaileak dioen moduan, liburuak altxor baten balioa du. Etxean lasai irakurri eta gordetzeko liburu horietakoa da. Euskal kooperatibagintzaren iragana, oraina eta etorkizuna biltzen ditu, baina, batez ere, lan artistiko eta iradokitzailea da. Kooperatibagintza barrutik bizi (izan) duen edozeinen etxean egon beharrekoa.