Humanity at Music

Onintza Enbeita, bertsolaria eta kazetaria.

Humanity at Music proiektuak diziplina anitzak jorratuko ditu bere baitan. Eta horien artean bertsolaritzak protagonismo berezia izango du. Onintza Enbeitak bertsoak egiteaz gain, bertsolarien parte–hartzea koordinatu du.

 

Labur–labur azalduko zeniguke zer den zuretzat Humanityat Music proiektua?

Kooperatibagintzaren balioak artearen bidez azaltzeko ahalegina da, berez. Proiektuan bertsoak ere lekua izatea oso ona da guretzat: balioak transmititzeko tresna egokia delako hitza eta bertsolaritzak berak, bertsozale elkartearen bidez, edozein langintzatan balio duten baloreak sortu eta transmititu dituelako.

 

Zein garrantzi du bertsolaritzak, euskal kulturaren sustrai lez, proiektuan?

Kooperatibagintza garrantzitsua izan da Euskal Herriko amaraun industrialean, eta horri omen egingo bazaio, edo mundura zabaltzeko ahalegina egingo bada, bertsolaritzak ere ahalegin horretan egon behar du. Bertsolaritza ere, kooperatiben moduan, gugandik mundura zabaltzeko berezitasuna delako.

 

Zer da transmititu nahi izan duzuena?

Balioak. Elkarlana kooperatiben oinarrian dagoen moduan, bertsolaritzaren oinarrian ere badago. Gaia, liburuaren sustatzaileek eman digute, baina balio asko garrantzitsuak dira gure jardunean ere.

 

Proiektu parte–hartzailea sustatu nahi da. Zer esango zenieke kooperatibetako kideei proiektuarekin bat egiteko?

Egiten duten horretan sinisten badute, merezi duela zabaltzeko ahalegina egiteak. Lanaren bidez erakutsi diguten hori, beste espresio batzuen bidez erakusteak lagundu egingo digula guztioi.

Liburua, oparitzeko eta gordetzeko altxorra

Maite Mutuberria proiektuko ilustratzaileak dioen moduan, liburuak altxor baten balioa du. Etxean lasai irakurri eta gordetzeko liburu horietakoa da. Euskal kooperatibagintzaren iragana, oraina eta etorkizuna biltzen ditu, baina, batez ere, lan artistiko eta iradokitzailea da. Kooperatibagintza barrutik bizi (izan) duen edozeinen etxean egon beharrekoa.

Pribatutasun lehentasunen gunea

    Beharrezko cookie-ak

    Beste batzuen cookie-ak erabiltzen ditugu zure nabigazioa ezagutzeko, buletinean harpidetuta bazaude edo sare sozialen bidez partekatutako elementuetan.

    gdpr

    Kanpo cookie-ak

    Beste batzuen cookie-ak erabiltzen ditugu zure nabigazioa ezagutzeko, buletinean harpidetuta bazaude edo sare sozialen bidez partekatutako elementuetan.

    _ga, _gat, _gid
    _ga, _gid, _gat
    SAPISID, SID, SSID, PREF, VISITOR_INFO1_LIVE, YSC