(aurrez errezitatua)
Deiadar isila entzun da
gerraosteko gazte
batzuen artean.
Burdinaren oroimena dakar
zapalduen historia
euskaldunen galzoria
Bibliaren utopia
beharginen memoria
eta aroa prestatzen hasi da.
“Non dago zure anaia?” aditu zen behinola basamortuan
olagizonen taldeak garaitu zuen gero dragoia
eta, orain, kapitalaren erreinuan,
garaia da,
zeruertza marrazteko ordua…
(amandrea)
Izan dugu aski odol
gatazka madarikatu
banderizoen herrian.
Eta izerdia merke
inoren mesederako.
Hitz handiek ez digute
gizabiderik hurbildu
Lurrak eskatzen duena
suak ez du ekarriko.
Asmatu zerbait hobea
Eratu zerbait berria
Asmatu zerbait
Eratu zerbait
Jarri zutik lur honetan.
(denak)
ZERBAIT EREITEN, EREITEN DABIL
EREITEN APAIZ NEKAZARIA
HAZI BERRIA DATOR ERNETZEN
GAZTE TALDE BAT MARTXAN JARRI DA
GERO BESTE BAT, GERO BESTE BAT
ZARATA BARIK, LURRIKARA BAT.
Ez gal denbora aldarrikatzen
egin daigun geuk, geuk egin daigun.
Arazo gaitzak ditu herriak
egin daigun geuk, geuk egin daigun.
Lanaren bidez dator iraultza
egin daigun geuk, geuk egin daigun.
Elkartasunak dakar irauntza
egin daigun geuk, geuk egin daigun.
Pertsona berri burujabea
egin daigun geuk, geuk egin daigun.
Lantegi berri herrigilea
egin daigun geuk, geuk egin daigun.
Autoeratu! Autoeratu!
egin daigun geuk, geuk egin daigun.
ZARATA BARIK, LURRIKARA BAT
GAZTE TALDE BAT, MARTXAN JARRI DA
GERO BESTE BAT, GERO BESTE BAT
JABETU DIRA, MILAKA DIRA
EZ DA NOLANAHI GELDIARAZIKO.
